ﺃﻧﺎ ﻳﺎﺑﺤﺮ ﻣﺎﺟﻴﺘﻚ ﻓﻀﻰ ﻭﻟﻤﺸﺎﻫﺪﻙ ﺷﻔﻘﺎﻥ ... ﺃﻧﺎﺟﻴﺘﻚ ﺃﺑﻨﺴﻰ ﺍﻟﻴﺎﺱ ﻭﺑﻌـﺾ ﺍﻟﻬـﻢ ﻳﺒﺎﺭﻳﻨـﻲ
ﻋﻠﻰ ﺟﺎﻟﻚ ﺍﻧﺎ ﺟﺎﻟﺲ ﺍﺳﺎﻣﺮ ﻣﻮﺟﻚ ﺍﻟﻐﻀﺒﺎﻥ ... ﺃﺳﻮﻟﻒ ﻟﻪ ﻋﻦ ﺍﻭﺟﺎﻋﻲ ﻭﻋﻨﺎﻱ ﻭﻏﺮﺑﻪ ﺳﻨﻴﻨي
ﻋﻼﻣﻚ ﻳﺎﺑﺤﺮ ﻏﺎﺿﺐ ﻋﻼﻣﻚ ﺗﺼﺮﺥ ﺑﻜﺘﻤﺎﻥ .. ﺍﻧﺎ ﺟﻴﺘـﻚ ﺍﺑﺸﻜﻴﻠـﻚ ﻭﺍﺑـﻲ ﻣﻨـﻚ ﺗﻮﺍﺳﻴﻨـﻲ
ﺃﻧﺎ ﻣﺜﻠﻚ ﺑﺤﺮ ﻟﻜﻦ ﻭﺳﻂ ﻧﻔﺴﻲ ﺍﻧﺎ ﻏﺮﻗﺎﻥ ... ﺗﻌﺒﺖ ﺍﺑﺤـﺮ ﻣـﻊ ﻧﻔﺴـﻲ ﻭﺍﺳﺎﻟﻬـﺎ ﺍﻧـﺎ ﻭﻳﻨـﻲ
ﺍﻧﺎ ﻣﺤﺘﺎﺭ ﻓﻲ ﻭﺻﻔﻲ ﻭﻣﻊ ﻧﻔﺴﻲ ﺍﻧﺎ ﺣﻴﺮﺍﻥ .. ﺍﻧﺎ ﻻﻗـﺎﺩﺭ ﺍﻓﻬﻤﻬـﺎ ﻭﻫـﻲ ﺗﺠﻬـﻞ ﻣﻀﺎﻣﻴﻨـﻲ
ﺃﻧﺎ ﻣﻠﻴﺖ ﻣﻦ ﺣﺰﻧﻲ ﻭﺗﻌﺒﺖ ﺍﺑﺤﺚ ﻋﻦ ﺍﻟﺴﻠﻮﺍﻥ .. ﻭﻻﺿﻨﻴﺖ ﺑﻪ ﺷـﻲ ﻋـﻦ ﺍﺣﺰﺍﻧـﻲ ﻳﺴﻠﻴﻨـﻲ
ﺍﺣﺲ ﺍﻥ ﺍﻟﺤﺰﻥ ﻋﺎﻟﻢ ﺑﺤﻮﺭﺓ ﻭﺻﺤﻮﺓ ﻭﻭﺩﻳﺎﻥ.. ﺗﺨﻴﻞ ﻳﺎﺑﺤﺮ ﺣﺠﻤﻪ ﺍﺫﺍ ﺣﺠﻤـﻪ ﺳﻜـﻦ ﻓﻴﻨـﻲ
ﺗﺼﻮﺭ ﻟﻮ ﺷﻘﺎ ﺍﻟﺪﻧﻴﺎ ﺗﺠﻤﻊ ﻓﻲ ﻛﻴﺎﻥ ﺍﻧﺴﺎﻥ ...ﺗﺼﺪﻕ ﻣﺎﺑﻘﻰ ﺑﺎﻟﻜﻮﻥ ﺍﺳﻰ ﻣﺎﺑـﺎﺕ ﻓـﻲ ﻋﻴﻨـﻲ
ﺗﺮﻯ ﻛﻞ ﺍﻟﺤﺰﻥ ﻟﻮ ﻏﺎﺏ ﻭﺭﺍﺡ ﻻﺧﺮ ﺍﻻﻭﻃﺎﻥ .. ﻳﻐﻴﺐ ﻭﻳﺮﺗﺤﻞ ﻟﺤﻈﺎﺕ ﻭﻳﺮﺟﻊ ﻳﺴﺘﻘﺮ ﻓﻴﻨـﻲ
ﺃﻧﺎ ﺍﺧﺮ ﻓﺼﻮﻝ ﺍﻟﺤﺰﻥ ﻭﺃﻧﺎ ﻟﺪﺭﻭﺑﻪ ﺍﻟﻌﻨـﻮﺍﻥ ... ﻭﺍﻧـﺎ ﺍﺧـﺮ ﻋﺰﻭﻓﺎﺗـﻪ ﻭﺍﺻﻮﺍﺗـﻪ ﺗﻐﻨﻴﻨـﻲ
ﺍﻧﺎ ﻭﺍﻟﻠﻴـﻞ ﻭﺍﻟﻐﺮﺑـﻪ ﺗﻌﺎﻧﻘﻨـﺎ ﻣﺜـﻞ ﺍﻻﺧـﻮﺍﻥ ... ﻟﻴﻠـﻲ ﻛـﻞ ﺁﻫﺎﺗﻲ ﻭﻟﻠﻐﺮﺑـﻪ ﻋﻨﺎﻭﻳﻨﻲ
ﺗﻌﺒﺖ ﺍﺳﻘﻰ ﺛﺮﻯ ﺍﺣﻼﻣﻲ ﻭﺃﺯﺭﻉ ﺑﺎﻟﻮﻫﻢ ﺑﺴﺘﺎﻥ . . ﺗﻌﺒﺖ ﻭﻻﻧﺒﺖ ﺯﺭﻋﻲ ﻭﺗﻌﺒﺖ ﻭﺟﻔﺖ ﺑﺴﺎﺗﻴﻨي
ﺟﺤﺪﻧﻲ ﺣﻈﻲ ﺍﻟﻌﺎﺛﺮ ﺭﻣﺎﻧﻲ ﺑﺴﻜة ﺍﻟﺤﺮﻣﺎﻥ ... ﺟﺤﺪﻧـﻲ ﻭﻻﻣـﺮﺓ ﻋﻠـﻰ ﺍﻟﻔﺮﺣـﻪ ﻳﺮﺳﻴﻨـﻲ
ﺃﻻﻳﺎﺑﺤﺮ ﺟﺎﻭﺑﻨﻲ ﻭﺵ ﺍﺧﺮ ﻫﺬﻱ ﺍﻻﺣﺰﺍﻥ .. ﻭﺵ ﺍﺧﺮ ﺭﺣﻠة ﺃﻭﺟﺎﻋﻲ ﻭﻋﻨﺎﻱ ﻭﻏﺮﺑـﻪ ﺳﻨﻴﻨـﻲ
ليست هناك تعليقات:
إرسال تعليق